coas maus

 

vou

parar o tempo

e quererte

coas maus

 

Advertisements
Published in: on Abril 20, 2014 at 1:10 am  Deixar un comentario  

costa sur

.

na noite,

as estrelas son buratos no ceo*.

costa sur.

onde dobra o atlántico.

ceo azul intenso de mañá cedo.

area sol mar.

cigarras en concerto,

bubelas carriços pardais pega rabilonga.

o vento move as acácias.

cae vertical o sol.

as paredes imitan a Picasso

os pés semellan croquetas de area.

a pel colle sentido e xungue, non limita.    

fáise unha co ár.

é fácil non pensar en nada

cando o mar lambe a praia.

o mar de cor turquesa.

déixome levar polos vós das gaivotas.

e ollo para dentro.

coma buscando o mar en min.

a orixe húmida.

o placton.

———————————–

*Os loango, unha tribu do Congo, din que o paxaro carpinteiro escalou polo fio da arañeira até o ceu. Aló picoteou a bóveda celeste e fixo os buratos que chamamos estrelas.

.

Published in: on Decembro 8, 2013 at 12:47 am  Deixar un comentario  

a figueira

.

observo

a figueira

as suas follas amarelas

como vai

desprendéndose delas

para pasar o inverno

e aprendo

dela

.

Published in: on Novembro 22, 2012 at 7:38 pm  Deixar un comentario  

.

porque te amo

gardarei

siléncio

.

Published in: on Outubro 25, 2012 at 9:56 pm  Deixar un comentario  

renovar

.

recapitular a luz dos dias

apuntalar o tempo

reformular as metas

os traxectos as estratéxias

os pasos

nesta mañá de agosto

chove coma outubro

e cheira á terra mollada

e a sexo

e a café sen ela

fortalecer a vontade

encher de osíxeno as olladas

reconstruir a proteina.

.

Published in: on Setembro 4, 2012 at 12:26 pm  Deixar un comentario  

vidas

.

nas miñas vidas anteriores

fun estudante de bioloxia

na anterior     experimento ortopédico

antes     morador de recantos

e cultivador de soedades  

en todas as miñas vidas anteriores

soñei con ser horticultor

de ínfimas parcelas

de un metro     máximo dous

e compartir as acelgas

cos caracois e as eirugas

tiven as maus coma raices

moi perto da terra

a pescudar as outras fondas

primeiras vidas

aquelas nas que fiquei inmóbil

abraiado talvez

pola existéncia fermosa

das luminosas sombras

.

Published in: on Xuño 15, 2012 at 10:37 pm  Deixar un comentario  

o merlo

.

hoxe

na tarde

cantou o merlo

unha luz

de esperanza

.

Published in: on Febreiro 7, 2012 at 6:29 pm  Deixar un comentario  

fágome neno

.

ás veces envexo

aos nenos

que falan con todo

e fágome neno

olá, almofada

bos dias!

que ben durmimos esta noite

abrazados

e fuches quen eu quixen

e fun quen ti quixeches

meu amor brando das noites

compartimos soños

e emociós

miña caloriña

comodín dos meus abrazos

.

Published in: on Novembro 28, 2011 at 1:13 pm  Deixar un comentario  

soño

.

levabas tres dias

durmindo no sofá

pero esta noite

no médio do meu sono

acurrunchácheste  silandeira

no meu leito

.

abraceite

e durmimos coma nenos

.

.

Published in: on Outubro 25, 2011 at 10:20 pm  Deixar un comentario  

amarte

.

irei

contigo

a marte

muller

do abrazo verde

.

Published in: on Outubro 19, 2011 at 10:32 pm  Deixar un comentario