a cara do espello
.
porque a alma é
a cara do espello
as máis fermosas son
as fotos que non fago
.
agora mesmo sinto fame
cando atravesa o ceo
un bólido de fume negro
e a flor do xeránio
desafia o vento
na xanela malva
co rebúmbio dos pardais
no sabugueiro
.
chove novembro
.
os meus ritmos
.
a cerdeira coñece os meus ritmos
quen deixará caer agora
unha folla seca
coma un sorriso
cada vez que eu abra
a xanela
?
.
nas pedras
cuando la tarde languidece
y renacen las sombras
.
resoa
entre a xente
nas pedras
do campo castelo
alegre
moliendo café
.
vou espindo as paredes
.
vou espindo as paredes
deshabito os espácios coa dor do tempo nas maus
as cousas desgarran a miña pel
fican as pegadas dos nosos bicos e das bágoas
do amor e das soedades
os teus pés no forno da cociña de ferro
o son do sacho na horta
as festas dos gatos coa lua chea no soto
as nosas tardes de auga na bañeira
as castañas asadas e o pan da casa
derradeiras semanas coa casa e a árbore
cómpre arrincar as raices sen esfolar a alma
.
hai un poema que fala de ti
.
hai un poema que fala de ti
é doado de atopar
o terceiro
á dereita nesa páxina
na que pousas a mau
e acarícias as letras
.
om
.
non pensar
en nada
nin tan sequera
nisto
.
nas tardes violentas de pole
.
nas tardes violentas de pole e meliteas
nas que vivir non basta
iremos visitar as covas
onde a miña boca se enche co teu nome
gramíneas ao vento
nubes de insectos
danza de libeliñas transparentes
minutos cristaiños
rotos polo ruido das factorias
.
acarício o teu corpo
.
creo que soy porque te invento
(Julio Cortázar)
.
acarício o teu corpo
na tarde verde
zúgame a luz
nos teus ollos claros
.
hoxe quero escoitar
os grilos
na noite
.
hoxe cae
.
hoxe cae
outra folla da cerdeira
coma nunca caira
nun espectáculo
único
.
sen a tua voz
.
cando me abrazas
.
hai unha lua
chea
cando
me abrazas
.
